රුසියානු නාවික හමුදාවට අයත් ‘Russian Guards Missile Cruiser Varyag’ නෞකාව නිල සංචාරයක් සඳහා අද (01) උදෑසන කොළඹ වරායට සේන්දු වුණා.
ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගනු ලැබුවා.
මෙලෙස කොළඹ වරායට සේන්දු වූ ‘Russian Guards Missile Cruiser Varyag’ නෞකාව, දිගින් මීටර් 187 හා නැව් මුළුව පන්සිය විසි නවයකගෙන් (529) සමන්විතය.
මෙම නෞකාව මෙරට රැඳී සිටින කාල සීමාව තුළ නෞකාවේ ධජ නිලධාරි සහ අණදෙන නිලධාරී විසින් බටහිර නාවික විධානයේ ආඥාපති රියර් අද්මිරාල් සමන් පෙරේරා සමඟ නිල හමුවක් පැවැත්වීමට නියමිතය.
මෙම නෞකාව නිල සංචාරය නිමා කරමින් 03 වැනිදා දිවයිනෙන් පිටත්ව යාමට නියමිතව ඇත.