21.9% ක අගයකින් විදුලි ගාස්තු අඩු කිරීමට මහජන උපයෝගීතා කොමිසම ඊයේ (04) තීරණය කළා.
ඒ අනුව ඒකක 30ට අඩු විදුලි පාරිභෝගිකයින් සඳහා දැනට ඒකකයක් සඳහා අයකරන රුපියල් 12ක ප්‍රමාණය රුපියල් 8ක් දක්වා අඩුවෙනු ඇති.
එය 33.3 %ක අඩුවීමකි.
ඒකක 31ත් 60ත් අතර විදුලි පාරිභෝගිකයින් සඳහා විදුලි ගාස්තුව සියයට 28කින් පහළ දමා ඇති අතර ඒකක 61ත් 90ත අතර විදුලි පාරිභෝගිකයින් සඳහා විදුලි ගාස්තුව සියයට 30කින් පහළ දමා තිබෙනවා.
ඒකක 91ත් 180ත් අතර පාරිභෝගිකයින් සඳහා සියයට 24කින් විදුලි ගාස්තුව පහළ දමා ඇති අතර ඒකක 180ට වැඩි ගෘහස්ත පාරිභෝගිකයින් සඳහා සියයට 18කින් විදුලි බිල පහත දමා ඇති බවයි මහජන උපයෝගීතා කොමිසම පැවසුවේ.
එමෙන්ම ආගමික ස්ථානවලට සියයට 33ක අඩුකිරීමක් සිදුකර ඇති අතර හෝටල් සහ කර්මාන්ත අංශවල සියයට 18කින් විදුලි බිල අඩුකර තිබෙනවා.