නිධන් සොයා රක්ෂිතයක කැණීම් කළ 06 දෙනෙක් වි‍ශේෂ කාර්ය බලකාය විසින් අත්අඩංගුවට ගෙන තිබෙනවා.
පසුගියදා (05) වි‍ශේෂ කාර්ය බලකාය විසින් නාවලපිටිය පොලිස් වසමේ රොජසන්ගම ප්‍රදේශයේ අක්කර 39 රක්ෂිතයේදී මෙම වැටලීම සිදු කර තිබෙනවා.
එහිදී නිධන් සෙවීමේ අරමුණින්, කැණීම් උපකරණ යොදා ගනිමින් කැණීම් කරමින් සිටි පුද්ගලයින් හය දෙනෙකු අත්අඩංගුවට ගෙන ඇති අතර ඔවුන් නාවලපිටිය ප්‍රදේශයේ පදිංචි වයස අවුරුදු 22 -52 අතර වයසේ පසුවන පුද්ගලයින් බවයි පොලීසිය පැවසුවේ.
අත්අඩංගුවට ගත් පුද්ගලයින් හය දෙනා වැඩිදුර විමර්ශන කටයුතු සඳහා නාවලපිටිය පොලිස් ස්ථානය වෙත භාර දී තිබෙනවා.
