පාරිභෝගික අධිකාරියේ සභාපති නීතිඥ ශාන්ත නිරිඇල්ල ඉල්ලා අස් වී තිබෙනවා.
වෙළඳ අමාත්‍ය නලින් ප්‍රනාන්දු විසින් පසුගියදා දැනුම් දී තිබුණේ පාරිභෝගික කටයුතු පිළිබඳ අධිකාරියේ සභාපති ශාන්ත නිරිඇල්ල ඇතුළු අධ්‍යක්ෂ මණ්ඩලයට ඉල්ලා අස්වන ලෙසයි.
ඒ අනුව සභාපතිවරයා සමඟ තවත් අධ්‍යක්ෂකවරයෙක් ඉල්ලා අස්වී ඇති බව වාර්තා වනවා.
පාරිභෝගික අධිකාරියේ සභාපතිවරයා සහ අධ්‍යක්ෂ මණ්ඩලය වසර කිහිපයක සිටම එම තනතුරු දරණ අතර ඔවුන්ව ඉවත් කර අලුත් අධ්‍යක්ෂ මණ්ඩලයක් පත් කිරීම සඳහායි වෙළඳ අමාත්‍යවරයා ඔවුන්ට ඉල්ලා අස්වන ලෙස දන්වා ඇත්තේ.