පුරාවිද්‍යා වටිනාකමක් සහිත රත්‍රං පැහැති කඩුවක් සන්තකයේ තබාගෙන සිටි පුද්ගලයෙකු වි‍ශේෂ කාර්ය බලකාය විසින් අත්අඩංගුවට ගෙන තිබෙනවා.
දීප ව්‍යාප්ත යුක්තිය මෙහෙයුමට අදාළව ඊයේ (07) ලුණුගම්වෙහෙර පොලිස් වසමේ මත්තල, පුංචි අප්පු ජදුර වැව ආසන්න ප්‍රධාන මාර්ගයේදී මෙම වැටලීම සිදුකර තිබෙනවා.
එහිදී පුරාවිද්‍යා වටිනාකමක් ඇතැයි සැක කළ හැකි රත්‍රං පැහැති කඩුවක් සන්තකයේ තබාගෙන කැබ් රථයකින් ප්‍රවාහනය කරමින් සිටි පුද්ගලයකු අත්අඩංගුවට ගෙන ඇති අතර පොලීසිය පැවසුවේ ඔහු දික්වැල්ල ප්‍රදේශයේ පදිංචි වයස අවුරුදු 63ක පුද්ගලයෙක් බවයි.
වැඩිදුර විමර්ශන කටයුතු සඳහා ඔහු ලුණුගම්වෙහෙර පොලිස් ස්ථානය වෙත භාර දී තිබෙනවා.
