කොළඹ නෙළුම් කුණේ අවන්හලක පැවති සාදයක් අතරතුර හදිසියේම රෝගාතුර වූ තරුණයෙක් සහ තරුණියක් ජීවිතක්ෂයට පත්ව තිබෙනවා.
පසුගිය සිකුරාදා (08) පැවැති අදාළ අවන්හලේ පැවති සාදයකට සහභාගී වූ මොවුන් දෙදෙනා කිසියම් මත්ද්රව්යයක් පානය කර සිටියදී හදිසියේම රෝගාතුර ඇති බවයි වාර්තා වන්නේ.
පොලීසිය පැවසුවේ මෙලෙස ජීවිතක්ෂයට පත්ව ඇත්තේ මුල්ලේරියාව ප්රදේශයේ පදිංචිව සිටි 27 හැවිරිදි තරුණියක් සහ දෙහිවල ප්රදේශයේ පදිංචිව සිටි 22 හැවිරිදි තරුණයෙක් බවයි.
මත්ද්රව්ය පානය කිරීමෙන් පසු රෝගාතුර වූ මොවුන් දෙදෙනා කොළඹ ජාතික රෝහලට ඇතුළත් කර ඇති අතර එහි ප්රතිකාර ලබමින් සිටියදී යි මොවුන් දෙදෙනා ජීවිතක්ෂයට පත්ව ඇත්තේ.
මොවුන්ගේ මරණවලට හේතුව නිෂ්චිතව අනාවරණය වී නොමැති අතර සිද්ධිය සම්බන්ධයෙන් මරදාන පොලිසිය වැඩිදුර පරීක්ෂණ සිදුකරනු ලබනවා.