නමුණුකුල, කනවරැල්ල ප්‍රදේශයේ පාසලක ආහාර විෂවීමක් හේතුවෙන් සිසුන් 9 දෙනෙකු රෝහල් ගත කර තිබෙනවා.
එම සිසුන් අද (14) උදෑසන හදිසියේ රෝගාතුර වීම හේතුවෙන් පස්සර දිස්ත්‍රික් රෝහලට ඇතුළත් කර ඇති බවයි අප වාර්තාකරු සඳහන් කළේ.
දෙක ශ්‍රේණියේ සිට පහ ශ්‍රේණිය දක්වා ඉගෙනුම ලබන සිසුන් පිරිසකුයි මෙලෙස පීඩාවට පත්ව ඇත්තේ.
මෙලෙස රෝහල්ගත කළ පිරිස අතර සිසුවියන් 3 දෙනෙකු සහ සිසුන් 6 දෙනෙකු වනවා.
ආහාර විෂ වීමට හේතුව මෙතෙක් අනාවරණය වී නොමැති බැවින් වැඩිදුර පරීක්ෂණ ක්‍රියාත්මකයි.