දුම්රිය ආසන වෙන්කිරීම අද (14) සිට සම්පූර්ණයෙන්ම මාර්ගගත ක්‍රමය (online) ඔස්සේ සිදුකිරීමේ හැකියාව පවතිනවා.
දුම්රිය දෙපාර්තමේන්තුව පැවසුවේ අද රාත්‍රී 7 සිට මාර්ගගත ක්‍රමය ඔස්සේ දුම්රිය ආසන වෙන් කිරීම සිදුකළ හැකි බවයි.
මීට පෙර මාර්ගගත ක්‍රමය ඔස්සේ ආසන වෙන් කිරීමට අවස්ථාව සලසා දී තිබුණේ 40%ක ප්‍රතිශතයකට පමණයි.
කෙසේනමුත් අද සිට දුම්රිය ආසන වෙන් කිරීම සම්පූර්ණයෙන්ම මාර්ගගත ක්‍රමය ඔස්සේ පමණක් සිදුකරන බවයි දුම්රිය දෙපාර්තමේන්තුව පවසන්නේ.
ඒ අනුව අද සිට දුම්රියේ ගමන් කිරීමට ආසන වෙන් කිරීමේ පත්‍රිකාවේ ඡායාරූපයක් සන්තකයේ තබාගැනීම පමණක් ප්‍රමාණවත් වනවා.