වෙන්නප්පුව නගරයේදී මාර්ගය හරහා යාමට උත්සාහ කළ කාන්තාවක් බස් රථයක ගැටී ජීවිතක්ෂයට පත්ව තිබෙනවා.
වෙන්නප්පුව මූලස්ථාන පොලිසිය පැවසුවේ මෙම කාන්තාව ඊයේ (13) පාර මාරුවීමට යාමේදී මෙම අවාසනාවන්ත ඉරණමට මුහුණ දී ඇති බවයි.
මෙලෙස ජීවිතක්ෂයට පත්ව ඇත්තේ ලුණුවිල, ජය මාවත ප්‍රදේශයේ පදිංචි 69 හැවිරිදි කාන්තාවක්.
පදිකයින් පිරිසක් මාර්ගය හරහා ගමන් කරමින් සිටියදී මීගමුවේ සිට හලාවත දෙසට ධාවනය වූ බස් රථයක් නවතා නැවත ඉදිරියට ධාවනය කර ඇති අතර එම අවස්ථාවේදීයි මෙම කාන්තාව බසයේ ගැටී ඇත්තේ.
සිද්ධිය සම්බන්ධයෙන් වෙන්නප්පුව රථවාහන පොලිසිය වැඩිදුර පරීක්ෂණ සිදුකරනු ලබනවා.