අද (14) සිට මධ්‍යම අධිවේගී මාර්ගයේ කිලෝමීටරයක කොටසක් එක් මංතීරුවකට සීමා කරන බව පොලිසිය පවසනවා.
මීරිගම සිට කුරුණෑගල දක්වා කිලෝමීටර් 56.9 සිට කිලෝමීටර් 57.4 දක්වා කොටසේ අලුත්වැඩියා කටයුත්තක් හේතුවෙන් මෙලෙස වාහන ධාවනය එක් මංතීරුවකට සීමා කෙරෙනු ඇති.
පොලීසිය රියදුරන්ට දැනුම් දෙන්නේ මීරිගම සිට කුරුණෑගල දක්වා ගමන් කරන රථවාහන කිලෝමීටර් 56.2 කණුවට පෙර ඇති මධ්‍ය හදිසි දොරටුවෙන් කුරුණෑගල සිට මීරිගම දක්වා දිවෙන දකුණු මංතීරුවෙන් ධාවනය කළ යුතු බවයි.
ඒ අනුව අද සිට දින 14ක කාලයක් මෙලෙස එක් මංතීරුවරුවකට වාහන ගමනාගමනය සීමා කරන බවයි පොලීසිය පවසන්නේ.