මෙවර රාජ්‍ය වෙසක් උත්සවය මාතලේ දිස්ත්‍රික්කය මූලික කර ගනිමින් පැවැත්වීමට තීරණය කර තිබෙනවා.
ඒ පිළිබඳව මූලික සාකච්ඡාව ඊයේ (14) මාතලේ දිස්ත්‍රික් ලේකම් කාර්යාලයේදී පවත්වා තිබේ.
බුද්ධශාසන, ආගමික සහ සංස්කෘතික අමාත්‍යාංශය නිවේදනයක් නිකුත් කරමින් පවසන්නේ රාජ්‍ය වෙසක් උත්සවයේ සමාරම්භක උලෙළ මාතලේ ධර්මරාජ පිරිවෙන් පරිශ්‍රයේදී පැවැත්වෙන අතර එහි සමාප්ති උලෙළ මාතලේ අනුරුද්ධ අරණේදී පැවැත්වීමට තීරණය කර ඇති බවයි.
ඒ අනුව මැයි මස 21 වැනිදා සිට මැයි මස 27 වැනිදා දක්වා විවිධ ආගමික සංස්කෘතික වැඩසටහන් පැවැත්වීමට නියමිතය.