රුහුණු මහා කතරගම දේවාලයේ ප්‍රධාන කපුවා ලෙස සේවය කළ සොමිපාල තිඹිලත් රත්නායක සහ මුණසිංහ මාන්නප්පෙරුමගේ සමන් ප්‍රියන්ත යන කපුවන් දෙදෙනාගේ කපු ධුරය අත්හිටුවා තිබෙනවා.
රුහුණු මහා කතරගම දේවාලයේ බස්නායක නිළමේ ඩිෂාන් ගුණසේකර නිවේදනයක් නිකුත් කරමින් කියා සිටියේ ඊයේ සිට ක්‍රියාත්මක වන පරිදි ඔවුන් දෙදෙනාගේ සේවට අත්හිටවූ බවයි.
කතරගම දේවාලයට බැතිමතෙකු ජූජා කළ පවුම් 38 ක් බර රත්තරන් තැටියක් වංචනික ආකාරයෙන් පැරගෙන ගියේ යැයි ඔවුන් දෙදෙනාට චෝදනා එල්ල වුණා.
ඒ අනුව ඊයේ සිට මොවුන් දෙදෙනාට රුහුණු මහා කතරගම දේවාල මාළිගයට ඇතුළු වීම, එහි රාජකාරි කටයුතු සම්බන්ධයෙන් සෘජු හෝ වක්‍රාකාරයෙන් හෝ අන්‍යාකාරයකින් සිදුකරලීම, ඊට සම්බන්ධ වීම තහනම් වනවා.