මේ දිනවල විදේශගතව සිටින මැති ඇමැතිවරුන් 07 දෙනෙක් වහාම දිවයිනට ගෙන්වා ගැනීමට උපදෙස් ලබා දී තිබෙනවා.
කථානායක මහින්ද යාපා අබේවර්ධනට එරෙහි විශ්වාසභංග යෝජනාව පිළිබඳ විවාදයේ දෙවැනි දිනය අදයි.
ඊට අදාළ ඡන්ද විමසීම හෙට (21) පැවැත්වීමට නියමිත අතර ඊට ඡන්දය ප්‍රකාශ කිරීම සඳහා ඔවුන් නැවත දිවයිනට කැඳවන්නැයි ආණ්ඩු පක්ෂයේ ප්‍රධාන සංවිධායක අමාත්‍ය ප්‍රසන්න රණතුංග ආණ්ඩු පක්ෂයේ ප්‍රධාන සංවිධායක ලේකම්වරයාට උපදෙස් දී තිබෙනවා.
ඒ අනුව අමාත්‍ය බන්දුල ගුණවර්ධන, පවිත්‍රා වන්නිආරච්චි, මනූෂ නානායක්කාර, පාර්ලිමේන්තු මන්ත්‍රී මධුර විතානගේ, අනුර ප්‍රියදර්ශන යාපා ඇතුළු මැති ඇමතිවරුන් හත් දෙනෙකු මෙලෙස දිවයිනට කැඳවා තිබෙනවා.