බලංගොඩ ප්‍රදේශයේ ඉඩමක තිබී නාඳුනන මළ සිරුරක් හමු වී තිබෙනවා.
පොලීසිය පැවසුවේ බලංගොඩ, දෙහිගස්තලාව ප්‍රදේශයේ ඇති පෞද්ගලික ඉඩමක තිබී මෙම මළ සිරැර අද (25) සොයාගත් බවයි.
මියගිය පුද්ගලයාගේ අනන්‍යතාව මෙතෙක් තහවුරු වී නොමැත.
මූලික පරීක්ෂණවලදී අනාවරණය වී ඇත්තේ මොහු මීට දින කිහිපයකට පෙර මියගොස් ඇති බවයි.
මෙය ඝාතනයක්ද නැතහොත් ස්වභාවික මරණයක්ද යන්න මෙතෙක් තහවුරු වී නොමැත.
මළ සිරුර පශ්චාත් මරණ පරීක්ෂණය සඳහා බලංගොඩ මුලික රෝහලට රැගෙන ගොස් ඇති අතර සිද්ධිය සම්බන්ධයෙන් බලංගොඩ පොලිසිය වැඩිදුර පරික්ෂණ සිදුකරනු ලබනවා.