රජයේ සේවකයින්ගේ වැඩි කළ වැටුප අප්‍රේල් මස 10 වැනිදාට පෙර ලබාදීමට කටයුතු කරන බව මුදල් රාජ්‍ය අමාත්‍ය රංජිත් සියඹලාපිටිය පවසනවා.
රුවන්වැල්ල ප්‍රදේශයේදී මාධ්‍ය වෙත අදහස් දක්වමින් රාජ්‍ය අමාත්‍යවරයා මේ බව කියා සිටියා.
එහිදී වැඩිදුරටත් අදහස් දක්වමින් අමාත්‍යවරයා කියා සිටියේ පවුල් විසි අට ලක්ෂයකට සහල් කිලෝග්‍රෑම් 20ක් වාර දෙකකදී ලබා දීමට සැලසුම් කර ඇති බවත් විශ්‍රාමිකයින් සඳහා ද වැඩි කළ රුපියල් 2,500ක දීමනාව ලබන මාසයේ ලබා දෙන බවත්ය.