දෙනියාය ප්‍රදේශයේ ප්‍රසිද්ධ පාසලක නිවාසාන්තර ක්‍රීඩා උළෙලේ නිවාස ඉදිකිරීම සඳහා උණ ගස් කැපීමට ගිය සිසුන් දෙදෙනෙකු විදුලි සැර වැදී රෝහල්ගත කර තිබෙනවා.
මොවුන් දෙදෙනා පාසලේ නිවාසාන්තර ක්‍රීඩා උළෙල වෙනුවෙන් නිවාස නිවාස ඉදිකිරීම සඳහා අවශ්‍ය උණ ගස් කැපීම සඳහා විද්‍යාල භුමියේ පිහිටි උණ පඳුරකින් උණ ගසක් කැපීමට කටයුතු කර තිබෙනවා.
උණ ගසක් අසළ ස්ථාපිත කර තිබූ ට්‍රාන්ස්ෆෝමර්යට සවි කර ඇති අධිබලැති විදුලි රැහැන් පද්ධතියක මොවුන් දෙදෙනා ගැටී ඇති අතර
එහිදී සිසුන් දෙදෙනාට විදුලි සැර වැදී ඇති බවයි පොලීසිය පවසන්නේ.
එහිදී විදුලි සැර වැදුණු සිසුන් දෙදෙනා කඩිනමින් දෙනියාය මූලික රෝහලට ඇතුළත් කිරීමට පියවර ගෙන ඇති අතර අනතුරුව එක් සිසුවෙකු වැඩිදුර ප්‍රතිකාර සඳහා මාතර මහ රෝහල වෙත මාරු කර යවා තිබෙනවා.
මෙලෙස රෝහල්ගත කර ඇත්තේ දෙනියාය ප්‍රදේශයේ පදිංචි
සිසුන් දෙදෙනෙකු වන අතර ඔවුන්ගේ තත්වය බරපතල නොවන බවයි රෝහල් ආරංචිමාර්ග පවසන්නේ.