තායි එයාර්වේස් ගුවන් සමාගම ශ්‍රී ලංකාව සමඟ ගුවන් ගමන් සේවා යළි ආරම්භ කර තිබෙනවා.
ඔවුන් යළිත් වරක් මෙරට ගුවන් ගමන් ඇරඹුවේ වසර හතරකට පසු වීම විශේෂත්වයකි.
ඒ අනුව තායි එයාර්වේස් ගුවන් සේවයට අයත් TG 307 දරණ ගුවන්යානය ඊයේ (31) රාත්‍රී 11.55 ට මෙරටට පැමිණියා.
තායිලන්තයේ බැංකොක් නුවර සිට පැමිණි එහි තායිලන්ත ජාතිකයින් ඇතුළු විදේශීය සංචාරකයින් 150ක් පමණ මෙරටට පැමිණ තිබූ බවයි වාර්තා වන්නේ.
ඒ අනුව සෑම දිනකම තායිලන්තය සහ ශ්‍රී ලංකාව අතර ගුවන් මෙහෙයුම් සිදුකෙරෙන බවයි කටුනායක ගුවන්තොටුපොළ බලධාරීන් සඳහන් කළේ.