මාවතගම ප්‍රදේශයේ සිදු වූ යතුරුපැදි අනතුරකින් පාසල් සිසුවෙක් ජීවිතක්ෂයට පත්ව තිබෙනවා.
මාවතගම – සිංහපුර මුස්ලිම් දේවස්ථානය ආසන්නයේදී ඊයේ (31) රාත්‍රී 7.00ට පමණ මෙම අනතුර සිදුව ඇති අතර ඉන් එක් සිසුවෙක් ජීවිතක්ෂයට පත් වී තවත් සිසුන් තිදෙනෙක් තුවාල ලබා ඇති බවයි පොලීසිය පැවසුවේ.
මෙලෙස මියගොස් ඇත්තේ වෑඋඩ, පරගහදෙණිය, සිංහපුර ප්‍රදේශයේ පදිංචිව සිටි මොහොමඩ් කාමිල් මොහොමඩ් සාහීල් නැමැති වයස අවුරුදු 14ක පාසල් සිසුවෙක්.
යතුරුපැදි දෙකක් මුහුණට මුහුණ ගැටීමෙන් මෙම අනතුර සිදුව තිබෙනවා.
තුවාල ලැබූ 15 සහ 16 හැවිරිදි වියේ පසුවන සිසුන් තිදෙනා වැඩිදුර ප්‍රතිකාර සඳහා කුරුණෑගල ශික්ෂණ රෝහලට ඇතුළත් කර තිබෙනවා.