හිමිනමක් වෙසින් කල් ගෙවූ පාතාල සාමාජිකයෙක් අල්ලයි

සංවිධානාත්මක අපරාධ කල්ලි සාමාජිකයෙකු වන ගාල්ල ප්‍රදේශයේ විහාරස්ථානයක වැඩවසන හිමිනමක් අත්අඩංගුවට ගෙන තිබෙනවා.

පොලීසිය පැවසුවේ සංවිධානාත්මක අපරාධ කල්ලි සාමාජිකයින් 06 දෙනෙක් ඇතුළු තවත් සැකකරුවන් තිදෙනෙක් ඊයේ (31) අත්අඩංගුවට ගත් බවයි.

මෙලෙස අත්අඩංගුවට ගත් හිමිනම ගාල්ල – හල්මිල්ලෑව ප්‍රදේශයේ විහාරස්ථානයක වැඩවසන 43 හෑවිරිදි හිමිනමක් බවයි අනාවරණය වී ඇත්තේ.

සෙසු සාමාජිකයින් ලෙස බලපිටිය ප්‍රදේශයේ අවුරුදු 49ක පුද්ගලයෙක්, මිනුවන්ගොඩ ප්‍රදේශයේ 23 හැවිරිදි පුද්ගලයෙක්, ගම්පහ – කොටුගොඩ ප්‍රදේශයේ අවුරුදු 31ක පුද්ගලයෙක්, රත්මලාන ප්‍රදේශයේ පදිංචි 38 හැවිරිදි පුද්ගලයෙක් සහ සපුගස්කන්ද, හෙයියන්තුඩුව ප්‍රදේශයේ පදිංචි අවුරුදු 26ක පුද්ගලයෙක් අත්අඩංගුවට ගෙන තිබෙනවා.

එහිදී එම සැකකරුවන්ට ආධාර අනුබල ලබාදෙමින් ඔවුන් සමඟ සමීප සම්බන්ධතා පැවැත් වූ තවත් සැකකරුවන් තිදෙනෙකු ද සැකපිට අත්අඩංගුවට ගත් බවයි පොලීසිය පවසන්නේ.