වාහන කිහිපයක් ආනයනය කිරීම සඳහා කැබිනට් අනුමැතිය හිමිව තිබෙනවා.
මෙලෙස අනුමැතිය හිමිව ඇත්තේ සංචාරක අමාත්‍ය හරීන් ප්‍රනාන්දු විසින් ඉදිරිපත් කළ සංචාරක ව්‍යාපාරයේ අවශ්‍යතාවයන් සඳහා අවශ්‍ය වෑන් රථ සහ කුඩා ප්‍රමාණයේ බස් රථ ආනයනය සඳහා වන යෝජනාවටයි.
ඒ අනුව සංචාරකයන් ප්‍රවාහනය කිරීම සඳහා භාවිත කරන ආසන 06-15 සහිත වෑන් රථ (විදුලි සහ දෙමුහුන් රථ ඇතුළුව) 750ක් සහ ආසන 16-30 සහිත කුඩා ප්‍රමාණයේ බස් රථ හා ආසන 30- 45ක් සහිත බස් රථ 250ක් ආනයනය කිරීමට අනුමැතිය ලැබී තිබෙනවා.