ගාල්ල පොලිස් ස්ථානයේ සිර මැදිරියක රඳවා සිටි සැකකරුවන් දෙදෙනෙකු අද (03) අලුයම පළාගොස් ඇති බවට ගාල්ල නියෝජ්ය පොලිස්පති කාර්යාලය පවසනවා.
හෙරොයින් ළඟ තබා ගැනීමේ චෝදනාව මත අත්අඩංගුවට ගෙන පසුගිය 01 වැනිදා අධිකරණයට ඉදිරිපත් කර වැඩිදුර විමර්ශන සඳහා රඳවාගෙන සිටි සැකකරුවන් දෙදෙනෙකුයි මෙලෙස පළාගොස් ඇත්තේ.
ගාල්ල, බෝපේ, වටරැක ප්රදේශයේ පදිංචි 26 හැවිරිදි සැකකරුවෙකු සහ
කෝන්න්කහ, මයිනගොඩ ප්රදේශයේ පදිංචි 33 හැවිරිදි සැකකරුවෙකු මෙලෙස පළා ගොස් තිබෙනවා.