එළඹෙන සිංහල හා හින්දු අලුත් අවුරුද්ද නිමිත්තෙන් අප්‍රේල් මස 13 සහ 14 යන දෙදින තුළ දිවයින පුරා සියලුම සුරාසැල් වසා දැමීමට සුරාබදු දෙපාර්තමේන්තුව තීරණය කර තිබෙනවා.
එමෙන්ම අප්‍රේල් 23 වැනිදාට යෙදී ඇති බක් පුර පසළොස්වක පොහොය දිනයේ ද සුරාසැල් වසා දැමීමටයි ඔවුන් තීරණය කර ඇත්තේ.
තවද මැයි මස 21 වැනිදා සිට 27 වැනිදා දක්වා කාලය වෙසක් සතිය ලෙස ප්‍රකාශයට පත් කර ඇති අතර දින තුනකට මත්පැන්හල් වසා දැමීමට බෞද්ධ, ආගමික හා සංස්කෘතික කටයුතු අමාත්‍ය විදුර වික්‍රමනායක ඉදිරිපත් කළ යෝජනාවට අනුමැතිය හිමිව තිබෙනවා.
ඒ අනුව මැයි මස 22, 23 සහ 24 යන දිනවල දිවයින පුරා ඇති සියලුම සුරාසැල් වසා තැබෙනු ඇති.