මඩකලපුව, වන්දාරුමූලේ ප්රදේශයේදී ඊයේ (18) රාත්රියේ සිදුවූ දුම්රිය අනතුරකින් පුද්ගලයෙකු ජීවිතක්ෂයට පත්ව තිබෙනවා.
එරාවුර් පොලීසිය පැවසුවේ වන්දාරුමූලේ ප්රදේශයේ පදිංචි 58 හැවිරිදි නඩරාජා සිවසුබ්රමනියම් නම් පුද්ගලයෙක් මෙලෙස ජීවිතක්ෂයට පත්ව ඇති බවයි.
මඩකලපුව සිට කොළඹ බලා ධාවනය වූ ශීඝ්රගාමී දුම්රියක ගැටීමෙන් මොහු ජීවිතක්ෂයට පත්ව තිබෙනවා.
මෙම පුද්ගලයා ඊයේ රාත්රී ආහාරය ගැනීමෙන් අනතුරුව දුම්රිය මාර්ගයේ හිස තබාගෙන සිටියදී දුම්රියේ ගැටී ඇති බවයි අනාවරණය වී ඇත්තේ.
දුම්රියේ ගැටී ඔහුගේ හිසට බරපතල තුවාල සිදුව තිබෙනවා.
මෘත ශරීරය පශ්චාත් මරණ පරීක්ෂණය සඳහා මඩකලපුව ශික්ෂණ රෝහලේ තැම්පත් කර ඇති අතර සිද්ධිය සම්බන්ධයෙන් එරාවුර් පොලිසිය වැඩිදුර පරීක්ෂණ පවත්වයි.