ඉන්දියාවේ සිට හොර රහසේ මුහුදු මාර්ගයෙන් ගෙනා කේරළ ගංජා සන්තකයේ තබාගෙන සිටි මහා පරිමාණ ජාවාරම්කරුවකු පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
විශේෂ කාර්ය බලකාය යාපනය කඳවුරේ නිලධාරීන්ට ලද තොරතුරකට අනුව ඊයේ (21) වඩුක්කෝට්ටේ පොලිස් වසමේ පාන්ඩවෙට්ටි, සුලිපුරම්, කාලි කෝවිල අසළදී වැටලීමක් සිදුකර ඇත.
එහිදී ජාවාරම් කිරීම සඳහා ඉන්දියාවේ සිට හොර රහසේ මුහුදු මාර්ගයෙන් ගෙන්වන ලද නීතිවිරෝධී කේරළ ගංජා කිලෝ 02, ග්‍රෑම් 70 ක් සන්තකයේ තබාගෙන සිටි සුලිපුරම්, නැගෙනහිර ප්‍රදේශයේ පදිංචි වයස අවුරුදු 22 ක පුද්ගලයකු අත්අඩංගුවට ගෙන තිබෙනවා.
වැඩිදුර විමර්ශන කටයුතු සඳහා ඔහු වඩුක්කෝට්ටේ පොලිස් ස්ථානය වෙත භාර දී ඇත.