ඉරාන ජනාධිපති ඊබ්‍රහිම් රයිසි හා පාකිස්ථාන අග්‍රාමාත්‍ය ශෙබාස් ෂරීෆ් අතර හමුවක් සිදුව තිබෙනවා.
ඉරාන ජනාධිපතිවරයා තෙදින නිල සංචාරයක් සඳහා ඊයේ (22) පාකිස්ථානයට පැමිණියා.
මෙම හමුවේදී ඉරාන ජනාධිපති ඊබ්‍රහිම් රයිසි හා පකිස්ථාන අග්‍රාමාත්‍ය ශෙබාස් ෂරීෆ් ද්වීපාර්ශ්වික කරුණු රැසක් පිළිබඳව සාකච්ඡා කර තිබෙනවා.
එහිදී ඉරාන ජනාධිපතිවරයා මාධ්‍ය අමතමින් පවසා ඇත්තේ දෙරට අතර විදේශ වෙළෙඳාම අමෙරිකානු ඩොලර් බිලියන 10කින් වර්ධනය කිරීමට බලාපොරාත්තු වන බවයි.
දෙරටේ ආර්ථික සහ ආරක්ෂක සහයෝගීතාවය වර්ධනය කිරීමට මෙහිදී නායකයින් එකඟවී ඇති බවයි විදෙස් මාධ්‍ය වැඩිදුරටත් වාර්තා කරන්නේ.