යාපනය ප්‍රදේශයේ තරුණයන් හට අලෙවි කිරීම සඳහා තහනම් මත්පෙති සන්තකයේ තබාගෙන සිටි මහා පරිමාණ ජාවාරම්කරුවෙක් පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
විශේෂ කාර්ය බලකාය යාපනය කඳවුරේ නිලධාරීන්ට ලද තොරතුරකට අනුව ඊයේ (25) යාපනය පොලිස් වසමේ යාපනය, කස්තුරියා මාර්ගයේදී වැටලීමක් සිදුකර ඇත.
එහි දී අනාවරණය කරගත් තොරතුරු අනුව ප්‍රදේශයේ තරුණයන් හට අලෙවි කිරීම සදහා තහනම් (pregabalin) වර්ගයේ මත්කරල් 1,400 ක් සන්තකයේ තබාගෙන සිටි තරුණයෙක් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ කොකුවිල් බටහිර, යාපනය ප්‍රදේශයේ පදිංචි වයස අවුරුදු 20 ක තරුණයෙක් බවයි පොලීසිය පැවසුවේ.
අත්අඩංගුවට ගත් තරුණයා වැඩිදුර විමර්ශන කටයුතු සඳහා යාපනය පොලිස් ස්ථානය වෙත භාර දී තිබෙනවා.