මුදල් රාජ්ය අමාත්ය ශෙහාන් සේමසිංහ හෙට (02) ජෝර්ජියාව බලා පිටත්ව යාමට නියමිතයි.
ආසියානු සංවර්ධන බැංකුවේ වාර්ෂික හමුවට සහභාගිවීම සඳහායි රාජ්ය අමාත්යවරයා මෙලෙස ජෝර්ජියාව බලා යන්නේ.
මෙම සමුළුව හෙට (02) සිට ලබන 05 වැනිදා දක්වා ජෝර්ජියාවේ ට්බිලිසි අගනුවරදී පැවැත්වෙනු ඇති.
මුදල් රාජ්ය අමාත්යවරයා වැඩිදුරටත් අවධාරණය කරන්නේ මෙවර සමුළුව සෙසු සාමාජික රටවල් සමග හවුල්කාරිත්වය ඇති කර ගැනීමේ සංසදයක් වනු ඇතැයි අපේක්ෂා කරන බවයි.