එයාර් ඉන්දියා එක්ස්ප්‍රස් ගුවන් සේවයේ ගුවන් ගමන් 70 කට වැඩි ප්‍රමාණයක් අවලංගු කර ඇති බව වාර්තා වනවා.
ඉන්දීය මාධ්‍ය වාර්තා කරන්නේ කාර්ය මණ්ඩලයේ සාමාජිකයින් විශාල සංඛ්‍යාවක් අද දිනයේ අසනීප නිවාඩු වාර්තා කිරීමත් සමඟ මෙලෙස ගුවන් ගමන්වාර රැසක් අවලංගු කිරීමට සිදුව ඇති බවයි.
එම ගුවන් සේවයේ ජ්‍යෙෂ්ඨ කැබින් කාර්ය මණ්ඩල සාමාජිකයින් 300ක් පමණ අවසන් මොහොතේ මෙලෙස අසනීප නිවාඩු වාර්තා කර සිය ජංගම දුරකථන ද ක්‍රියා විරහිත කිරීම හේතුවෙන් ජාත්‍යන්තර සහ දේශීය ගුවන් ගමන් රැසක් මෙලෙස අවලංගු කර තිබෙනවා.
කෙසේනමුත් එම ගුවන් සමාගම පවසන්නේ ගුවන් ගමන් අවලංගු කිරීම් හේතුවෙන් බලපෑමට ලක් වූ ගුවන් මගීන්ට සම්පූර්ණ මුදල් ආපසු ගෙවීමක් හෝ වෙනත් දිනයකට අනුපූරකව නැවත කාලසටහන් ලබා දෙන බවයි.