අද (08) පෙරවරුවේ සිට බණ්ඩාරවෙල ලංගම ඩිපෝවේ බස් රථ වර්ජනයක් ආරම්භ කර තිබෙනවා.
බණ්ඩාරවෙල – දියතලාව මාර්ගයේදී ලංගම බස් රථ රියදුරෙකුට සහ කොන්දොස්තරවරයෙකුට පුද්ගලික බස් රථ රියදුරෙක් විසින් සිදුකළ පහරදීමකට විරෝධය පළකරමිනුයි මෙම වර්ජනය ආරම්භ කර ඇත්තේ.
එම ලංගම ඩිපෝව මඟින් ධාවනය කරන බස් රථ සියල්ල මේ වනවිට බණ්ඩාරවෙල ප්‍රධාන බස් නැවතුම්පොළ පුරා ගාල්කර ඇති අතර බස් නැවතුම්පොළට පුද්ගලික බස් රථ ඇතුළු කිරීමට ලංගම රියදුරන් සහ කොන්දොස්තරවරුන් විසින් ඉඩ ලබානොදෙන බවයි අප වාර්තාකරු සඳහන් කළේ.
පහර කෑමට ලක්වූ ලංගම බස් රථ රියදුරා සහ කොන්දොස්තරවරයා මේ වනවිට බණ්ඩාරවෙල දිසා රෝහලේ ප්‍රතිකාර ලබනවා.