― political ―

ආණ්ඩුව ජනතාවගේ ඇස්වසා හොරකම් කරනවා – සජිත්

මතින් තොර රටක් බිහි කරන බව පවසමින් ආණ්ඩු විශාල සංඛ්‍යාවක් බිහි වුවත් ඔවුන් බලයට පත් වූ විගස බාර් පර්මිට් දුන් බවත් මේ නිසා පාසල්...
HomeHot Newsගංජා මිශ්‍ර මාවා අලෙවි කළ අයෙක් අත්අඩංගුවට

ගංජා මිශ්‍ර මාවා අලෙවි කළ අයෙක් අත්අඩංගුවට

යාපනය ප්‍රදේශයේ පාසල් ළමුන් හා තරුණයින් හට ගංජා මිශ්‍ර මාවා අලෙවි කළ පුද්ගලයෙක් පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.

විශේෂ කාර්ය බලකාය නෙල්ලිඅඩි කඳවුරේ නිලධාරීන්ට ලද තොරතුරක් මත ඊයේ (08) නෙල්ලිඅඩි පොලිස් වසමේ තුන්නාලේ ප්‍රදේශයේදී වැටලීමක් සිදුකර ඇත.

එහිදී ප්‍රදේශයේ පාසල් ළමුන් හා තරුණයින් ඉලක්ක කර අලෙවි කිරීම සඳහා ගංජා මිශ්‍ර මාවා ග්‍රෑම් 119 යි මිලි ග්‍රෑම් 40 ක් සන්තකයේ තබාගෙන සිටි තුන්නාලේ නැගෙනහිර, කරවෙඩ්ඩි ප්‍රදේශයේ පදිංචි වයස අවුරුදු 32 ක පුද්ගලයකු අත්අඩංගුවට ගෙන තිබෙනවා.

වැඩිදුර විමර්ශන කටයුතු සඳහා ඔහු නෙල්ලිඅඩි පොලිස් ස්ථානය වෙත භාර දී ඇත.‍

මොහු දිගු කලෙක පටන් මෙලෙස පාසල් ලමුන් සහ තරුණයින් ඉලක්ක කරගනිමින් මෙම ජාවාරමේ යෙදී ඇති බවටයි විමර්ශනවලදී කරුණු අනාවරණය වී ඇත්තේ.