2024 වසරේ මැයි මස මුල් සතිය වනවිට මෙරටට පැමිණි සංචාරකයින්ගේ සංඛ්‍යාව 800,000 ඉක්මවා තිබෙනවා.
සංචාරක සංවර්ධන අධිකාරිය පවසන්නේ මැයි මස මුල් සතිය තුළ පමණක් සංචාරකයින් 28,525ක් දිවයිනට පැමිණ ඇති බවයි.
ඒ අනුව මෙරටට පැමිණි මුළු සංචාරකයින්ගේ සංඛ්‍යාව 813,176 දක්වා ඉහළ ගොස් තිබෙනවා.
ඉන්දියාවෙන් 5,600ක්, මාලදිවයිනෙන් 3,170ක් සහ එක්සත් රාජධානියෙන් සංචාරකයින් 1,888ක් බැගින් මෙරටට පැමිණ තිබෙනවා.
ඒ අනුව ශ්‍රී ලංකාවේ සංචාරක ක්ෂේත්‍රය සැලකිය යුතු සන්ධිස්ථානයට පත්ව ඇති බවයි සංචාරක සංවර්ධන අධිකාරිය පවසන්නේ.