― political ―

ආණ්ඩුව ජනතාවගේ ඇස්වසා හොරකම් කරනවා – සජිත්

මතින් තොර රටක් බිහි කරන බව පවසමින් ආණ්ඩු විශාල සංඛ්‍යාවක් බිහි වුවත් ඔවුන් බලයට පත් වූ විගස බාර් පර්මිට් දුන් බවත් මේ නිසා පාසල්...
HomeHot News'කුඩු ශිරෝ' බඩුත් සමඟ මාට්ටු

‘කුඩු ශිරෝ’ බඩුත් සමඟ මාට්ටු

මහා පරිමාණ මත්ද්‍රව්‍ය ජාවාරම්කාරියක් වන ‘කුඩු ශිරෝ’ නමැති කාන්තාවක් කොළඹ අපරාධ කොට්ඨාසය විසින් අත්අඩංගුවට ගෙන තිබෙනවා.

සංවිධානාත්මක අපරාධ මැඩලීමේ විශේෂ මෙහෙයුම් ඒකකයට ලද තොරතුරක් මත බොරැල්ල, සරණපාල හිමි මාවතේ නිවසක් වටලා සිදුකළ පරික්ෂාවේදීයි 46 හැවිරිදි මෙම සැකකාරිය අත්අඩංගුවට ගෙන ඇත්තේ.

එහිදී රුපියල් ලක්ෂ 80 කට ආසන්න මුදලක් තැන්පත් කර තිබූ බැංකු පොතක්, මත්ද්‍රව්‍ය සහ මුදල් තොගයක් සොයාගත් බවයි පොලීසිය පවසන්නේ.

මීට අමතරව ඇය සන්තකයේ තිබී හෙරොයින් මිලිග්‍රෑම් 3180ක්, ජාවාරමෙන් උපයා ගත් රුපියල් 95000ක මුදලක් හා ජංගම දුරකථනයක් පොලිස් භාරයට ගෙන ඇත.

සැකකාරිය සන්තකයේ තිබූ ස්මාට් ජංගම දුරකථනය පරික්ෂා කිරීමේදී අන්තර්ජාලය ඔස්සේ ද විශාල මුදල් ප්‍රමාණයක් හුවමාරු වී ඇති බවයි අනාවරණය වී ඇත්තේ.

සැකකාරියගෙන් රඳවා ගැනීමේ නියෝග මත මත්ද්‍රව්‍ය ජාවාරම සම්බන්ධයෙන් දීර්ඝ ලෙස ප්‍රශ්න කිරීමට නියමිතයි.