කුඹුක්කන් ඔයේ දිය නෑමට ගිය සිය බිරිඳ සැමියා විසින් ඝාතනය කළ පුවතක් ලුණුගල පොලිස් වසමෙන් වාර්තා වනවා.
පොලීසිය පැවසුවේ ඊයේ (19) දහවල් මෙම ඝාතනය සිදු කර ඇති බවයි.
මෙලෙස ඝාතනයට ලක්ව ඇත්තේ ලුණුගල, ජනතාපුර ප්‍රදේශයේ පදිංචිව සිටි වයස අවුරුදු 36ක කාන්තාවක්.
මූලික විමර්ශනවලදී අනාවරණය වී ඇත්තේ මොවුන් දෙදෙනා අතර පවුල් ආරවුලක් මත දුරදිග යාමෙන් මෙම ඝාතනය සිදුකර ඇති බවයි.
සැකකාර සැමියාට එරෙහිව බිරිඳ විසින් ආරක්ෂණ නියෝගයක් ද ලබාගෙන තිබූ බවයි පොලීසිය පවසන්නේ.
කෙසේනමුත් සැකකාර සැමියා මේ වනවිට ප්‍රදේශයෙන් පළාගොස් ඇති අතර ඝාතනයට ලක්වූ කාන්තාවගේ මෘත ශරීරය බදුල්ල මහ රෝහලේ තැන්පත්කර තිබෙනවා.
සැමියා සොයා ලුණුගල පොලිසිය විසින් විමර්ශන ක්‍රියාත්මක කරනු ලබනවා.