උණ රෝගය වැළඳී මාතර මහ රෝහලේ ප්රතිකාර ලබමින් සිටි බන්ධනාගාර රැඳවියෙක් ඊයේ (20) පස්වරුවේ හදිසියේම ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ අයිස් මත්ද්රව්ය සන්තකයේ තබාගෙන සිටියදී 2023.12.03 වැනිදා මාලිම්බඩ පොලිසිය විසින් අත් අඩංගුවට ගෙන රක්ෂිත බන්ධනාගාර ගත කර සිටි රැඳවියෙක් බවයි පොලීසිය පැවසුවේ.
මෙම රැඳවියා උණ රෝගය වැළඳීම හේතුවෙන් පසුගිය 17 වැනිදා මාතර මහ රෝහල වෙත ඇතුළත් කර ඇති අතර ඊයේ (20) හදිසි ප්රතිකාර ඒකකයේ ප්රතිකාර ලබමින් සිටියදී ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ 24 හැවිරිදි වියේ පසුවන පාලටුව ප්රදේශයේ පදිංචි තරුණයෙක්.
සිද්ධිය සම්බන්ධයෙන් බන්ධනාගාර දෙපාර්තමේන්තුව වැඩිදුර පරීක්ෂණ සිදුකරනු ලබනවා.