22 C
Colombo
Sunday, February 16, 2025

― political ―

අර්චුනාගේ මන්ත්‍රී ධුරය අහෝසි කරන්නැයි ඉල්ලූ පෙත්සමට අධිකරණයෙන් ලැබුණු නියෝගය

පාර්ලිමේන්තු මන්ත්‍රී අර්ජුනා රාමනාදන්ගේ මන්ත්‍රී ධුරය අවලංගු කරන ලෙස - අභියාචනාධිකරණයේ විරෝධතා ඉදිරිපත් කිරීමට කල් දෙයි අභිනව නිවහල් පෙරමුණේ සභාපති ඔෂල හේරත් විසින් ගොනු කර...
HomeHot Newsසජිත් ඉරාන ජනපතිට ශෝකය පළ කරයි

සජිත් ඉරාන ජනපතිට ශෝකය පළ කරයි

හෙලිකොප්ටර් අනතුරකින් මියගිය ඉරාන ජනාධිපතිවරයා ඇතුළු පිරිසට විපක්ෂ නායක සජිත් ප්‍රේමදාස සිය සාතිශය සංවේගය පළ කර තිබෙනවා.

මීට දින කිහිපයකට පෙර අසර්බයිජානයේ සිදු වූ හෙලිකොප්ටර් අනතුරකින් මියගිය ඉරාන ජනාධිපති ඊබ්‍රහිම් රයිසි, ඉරාන විදේශ අමාත්‍යවරයා වන ආචාර්ය හොසේන් අමීර්-අබ්දුල්ලාහියන් සහ සහ තවත් රාජ්‍ය නිලධාරීන් 8 දෙනා වෙනුවෙන් සිය සාතිශය සංවේගය පළ කිරීමට විපක්ෂ නායක සජිත් ප්‍රේමදාස අද (22) කටයුතු කළේය.

ඒ අද ඉරාන තානාපති කාර්යාලයේදී ඉරාන තානාපතිවරයා මුණ ගැසීමෙන් අනතුරුවයි.

මේ හදිසි අනතුරු සහ අභාවය අසා තමා ඉමහත් කම්පනයට පත් වූ බවත් ඉරාන ජනාධිපතිවරයාගේ මේ අනපේක්ෂිත අභාවය ශ්‍රී ලංකාවට සහ අප කලාපයට විශාල පාඩුවක් වූ බවත් විපක්ෂ නායකවරයා එහි දී වැඩිදුරටත් පැවසීය.

එසේම ඉරාන ජනාධිපතිවරයා උමා ඔය බහුකාර්ය සංවර්ධන ව්‍යාපෘතිය ඇතුළු සංවර්ධන ව්‍යාපෘති රැසකට ආධාර උපකාර ලබා දුන් බවත් ඒවා කිසිදා අමතක කළ නොහැකි බවත් විපක්ෂ නායකවරයා මෙහි දී ඉරාන තානාපතිවරයා හමු⁣වේ පැවසීය.