කළුතර බන්ධනාගාරයෙන් රැඳවියෙක් ඊයේ (30) රාත්‍රියේ පළාගොස් තිබෙනවා.
පොලීසිය පැවසුවේ මෙලෙස පළාගොස් ඇත්තේ ගෑස් සිලින්ඩරයක් සොරකම් කිරීමේ චෝදනාව යටතේ හොරණ මහේස්ත්‍රාත් උසාවිය මඟින් වරදකරුවෙක් කළ රුපියල් 4,000ක දඩ මුදලක් ගෙවාගැනීමට නොහැකිව රක්ෂිත බන්ධනාගාර ගතකර සිටි රැඳවියෙක් බවයි.
ඊයේ (30) රාත්‍රී 8.30ට පමණ මෙම රැඳවියා මෙලෙස පළාගොස් ඇති අතර ඔහු අත්අඩංගුවට ගැනීම සඳහා කළුතර උතුර පොලිසිය සහ බන්ධනාගාර නිලධාරීන් කණ්ඩායමක් මෙහෙයුම් අරඹා තිබෙනවා.