කුඩා ළමුන් 14 දෙනෙක් ඇතුළු පුද්ගලයින් 35 දෙනෙකුට මරු කැඳවමින් ගාසාවේ පාසලකට එල්ල වූ ගුවන් ප්‍රහාරය සම්බන්ධයෙන් පූර්ණ වශයෙන් ‘විනිවිද භාවයෙන්’ කටයුතු කළ යුතු බව ඇමරිකාව විසින් ඊශ්‍රායලයට පවසා තිබෙනවා.
සරණාගත කඳවුරක් ලෙස පවත්වාගෙන ගිය පාසලේ ඉහළ මහලේ පන්ති කාමරයක් වෙත ඊශ්‍රායල ගුවන් යානා මිසයිල ප්‍රහාර 02ක් එල්ල කර තිබුණා.
ඊශ්‍රායල ආරක්ෂක හමුදාව පැවසුවේ එහි හමාස් අණදෙන මධ්‍යස්ථානයක් පවත්වාගෙන ගිය බවයි.
ප්‍රහාරය සම්බන්ධයෙන් ප්‍රතිචාර දැක්වූ ඇමෙරිකාව ඊශ්‍රායලයෙන් ඉල්ලා අත්තේ මෙම ප්‍රහාරයෙන් මරා දැමූ බව කියන හමාස් සටන්කරුවන් ප්‍රසිද්ධියේ හඳුනා ගන්නා ලෙසයි.