පාකිස්ථාන ජාත්‍යන්තර ගුවන් සේවය (PIA) ඇතුළු පාකිස්ථානු ගුවන් සේවා සඳහා පනවා ඇති තහනම දිගටම පවත්වාගෙන යාමේ තීරණය යුරෝපා සංගමය (EU) තහවුරු කර තිබෙනවා.
පාකිස්ථාන ගුවන් සමාගම තහනම් ලැයිස්තුවෙන් ඉවත් කිරීමට යුරෝපා සංගමයට බලපෑම් සහගත හේතු කිසිවක් හමු වී නොමැති බවයි විදෙස් මාධ්‍ය වාර්තා කරන්නේ.
පාකිස්ථාන සිවිල් ගුවන් සේවා අධිකාරියේ (PCAA) ස්ථානීය ඇගයීමක් සහ Fly Jinnah සහ Airblue Ltd යන පාකිස්ථානු ගුවන් සමාගම්වල නියැදි තක්සේරු කිරීම් සහිත EU Air Safety කමිටුව විසින් සිදුකරන ලද පුළුල් තක්සේරුවකින් පසුවයි මෙම තීන්දුව ලබා දී ඇත්තේ.
2023 නොවැම්බර් 27 සහ 30 අතර සිදුකරන ලද ස්ථානීය ඇගයීම, ආරක්ෂාව සහතික කිරීම සඳහා PCAA හි අධීක්ෂණ භූමිකාව සහ වගකීම් මූලික වශයෙන් විමර්ශනය කරනු ලැබුවා.
ජාත්‍යන්තර ආරක්ෂණ ප්‍රමිතීන් සඳහා PCAA හි කැපවීම සහ තාක්‍ෂණිකව ප්‍රවීණයන්ගේ පැමිණීම පිළිගනිමින්, තක්සේරු කණ්ඩායම අඩුපාඩු කිහිපයක් ඉස්මතු කළා.
එපමනක් නොව, කමිටුව පාකිස්ථානු ආණ්ඩුවෙන් තිරසාර සහයෝගය සහ PCAA තුළ නායකත්වයේ ස්ථාවරත්වයේ වැදගත්කම අවධාරණය කර තිබෙනවා.
වර්තමානයේදී යුරෝපා සංගමය පාකිස්ථාන ගුවන් යානාවල තහනම පවත්වා ගෙන යන අතර අනුකූලතාව තහවුරු කිරීම සඳහා rammp පරීක්ෂණ පවත්වන ලෙස සාමාජික රාජ්‍යයන්ගෙන් ඉල්ලා සිටිනවා.
ජාත්‍යන්තර ආරක්ෂක ප්‍රමිතීන් ආරක්ෂා කිරීමේ ප්‍රධාන වැදගත්කම අවධාරණය කරමින් යුරෝපා කොමිසම අනතුරු අඟවන්නේ ආරක්ෂාව සම්බන්ධයෙන් ඇතිවන ඕනෑම අවදානමක් මත ඉදිරි ක්‍රියාමාර්ග තවත් දැඩි වනු ඇති බවයි.