වාද්දුව පොලිසියේ ලාච්චුවක තිබූ කාන්තා කොස්තාපල්වරියකට අයත් මුදල් පසුම්බියක් සොරාගත් අඹුසැමි යුවළක් අත්අඩංගුවට ගෙන තිබෙනවා.
පොලීසිය පැවසුවේ මෙම අඹුසැමි යුවළ පවුල් ආරවුලක් සම්බන්ධයෙන් පැමිණිල්ලක් දැමීමට පොලීසියට ආ අවස්ථාවේදී මෙලෙස මුදල් පසුම්බිය සොරාගෙන ඇති බවයි.
මෙලෙස අත්අඩංගුවට ගෙන ඇත්තේ වාද්දුව, කුරේ මාවතේ පදිංචි අඹුසැමි යුවළක් බවයි පොලීසිය පැවසුවේ.
අත්අඩංගුවට ගත් අඹුසැමි යුවළ පානදුර මහේස්ත්රාත් අධිකරණයට ඉදිරිපත් කිරීමට නියමිතයි.