දහසකට අධික මත්පෙති සහ කඩුවක් සමඟ පුද්ගලයින් සිව්දෙනෙකු යාපනයේදී අත්අඩංගුවට ගෙන තිබෙනවා.
ඊයේ (09) සවස ආනයිකෝට්ට ප්‍රදේශයේදී යාපනය විශේෂ කාර්ය බලකාය සිදු කළ වැටලීමකදීයි මොවුන් සිව්දෙනා අත්අඩංගුවට ගෙන ඇත්තේ.
ඔවුන් සන්තකයේ තිබී අලෙවි කිරීමට සූදානම් කර තිබූ මත්පෙති 1000කට අධික ප්‍රමාණයක් ද සොයාගෙන තිබෙනවා.
අත්අඩංගුවට ගත් සිව්දෙනා වැඩිදුර විමර්ශනවලින් අනතුරුව අද අධිකරණයට ඉදිරිපත් කිරීමට පියවර ගෙන තිබෙනවා.