තලාහේන ප්‍රදේශයේදී තියුණු ආයුධවලින් පහර දී ඝාතනය කර තිබූ කාන්තාවගේ මළ සිරුරක් අද (11) උදෑසන සොයාගෙන තිබෙනවා.
මෙම ප්‍රදේශයේදී අද (11) අලුයම ඝාතනයක් සිදුව ඇති බවට තලංගම පොලිසියට පැමිණිල්ලක් ලැබී ඇති අතර පොලීසිය පවසන්නේ එම දුරකථන ඇමතුම ලබා දී ඇත්තේ ඝාතනය සිදු කළ සැකකරුවන් දෙදෙනා බවයි.
මෙලෙස ඝාතනයට ලක් වූ තරුණිය හා ඇයගේ ස්වාමි පුරුෂයා මාලඹේ, තලාහේන ප්‍රදේශයේ කුලී නිවසක පදිංචිව සිට ඇති අතර අඹුසැමියන් අතර සිදුවූ බහින්බස්වීමක් දුරදිග ගොස් මෙම ඝාතනය සිදු කර තිබෙනවා.
පොලීසිය පැවසුවේ මෙලෙස ඝාතනයට ලක්ව ඇත්තේ 31 හැවිරිදි තරුණියක් බවයි.
සිද්ධිය සම්බන්ධයෙන් තලංගම පොලිසිය වැඩිදුර විමර්ශන සිදුකරනු ලබනවා.