තීරුබදු රහිතව මෙරටට ගෙන්වන ලද නීතිවිරෝධී දුම්වැටි තොගයක් සමඟ අයෙක් පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
විශේෂ කාර්ය බලකායේ කණ්ඩායමක් විසින් ඊයේ (11) රාගම පොලිස් වසමේ පොඩි වී කුඹුර ප්‍රදේශයේදී අත්අඩංගුවට ගැනීමක් සිදුකර ඇත.
එහිදී තීරුබදු නොගෙවා මෙරටට ආනයනය කරන ලද රුපියල් තුන්ලක්ෂ විසිදෙදහක වටිනාකමකින් යුතු Manchester වර්ගයේ නීති විරෝධී දුම්වැටි 4,600 ක් සන්තකයේ තබාගෙන සිටි රාගම ප්‍රදේශයේ පදිංචි වයස අවුරුදු 28ක තරුණයෙක් අත්අඩංගුවට ගෙන තිබෙනවා.
වැඩිදුර විමර්ශන කටයුතු සඳහා ඔහු රාගම පොලිස් ස්ථානය වෙත භාර දී ඇත.