පානදුර දුම්රිය ස්ථානය ආසන්නයේදී දුම්රියක් පීලි පැනීමෙන් මුහුදුබඩ දුම්රිය මාර්ගය මුළුමනින්ම අවහිර වී තිබෙනවා.
අප වාර්තාකරු පැවසුවේ පානදුර සිට මරදාන බලා ධාවනය මන්දගාමී දුම්රියක් මෙසේ පීලි පැනීමට ලක්ව ඇති බවයි.
දුම්රියේ එක් මැදිරියක් අසළ තිබූ දුම්රිය සංඥා පුවරුවේ ගැටී දුම්රිය සංඥා පද්ධතිය ද මුළුමනින්ම අක්‍රීය වී තිබෙනවා.
දුම්රිය මාර්ගය යථා තත්ත්වයට පත් කිරීමට සැලකිය යුතු කාලයක් ගතවන බවයි දුම්රිය දෙපාර්තමේන්තුව පැවසුවේ.