― political ―

අද සමාජය සෑම අතකින්ම බෙදිලා තියෙන්නේ – සජිත්

අප සමාජය ආර්ථිකව, සමාජීයව, ආදායම් ඉපැයීමේ මාර්ගවලින්, නැති බැරි ඇති හැකි ලෙස සෑම අතකින්ම බෙදී ඇති බව විපක්ෂ නායක සජිත් ප්‍රේමදාස පවසනවා. විපක්ෂ නායකවරයා මේ...
HomeHot Newsරට ගොඩගන්න නම් ඩිජිටල්කරණය සමඟ ඉදිරියට යා යුතුයි

රට ගොඩගන්න නම් ඩිජිටල්කරණය සමඟ ඉදිරියට යා යුතුයි

ශ්‍රී ලාංකීය තරුණ ප්‍රජාව සඳහා වන පොදු ඉගෙනුම් අධ්‍යාපන වේදිකාව (Public Learn Education Platform) www.publiclearn.lk නිල වශයෙන් එළිදැක්වීම ජනාධිපති රනිල් වික්‍රමසිංහගේ ප්‍රධානත්වයෙන් ඊයේ (13) පස්වරුවේ ජනාධිපති කාර්යාලයේදී සිදු විය.

‘Public Learn’ යනු ලොව ප්‍රමුඛ පෙළේ විශ්වවිද්‍යාල වලින් නොමිලේ පාඨමාලා හැදෑරීම සඳහා පරිශීලකයින් යොමු කරවනු ලබන වේදිකාවකි. මෙම වේදිකාව රීජන්ට් ග්ලෝබල් ආයතනය (Regent Global) විසින් ක්‍රියාත්මක කරනු ලබන අතර එය ශ්‍රී ලංකාව සඳහා හඳුන්වා දීමට එක්සත් රාජධානියේ ශ්‍රී ලාංකික ඩයස්පෝරාව විසින් අරමුදල් සපයා තිබේ.

ශ්‍රී ලාංකීය තරුණ ප්‍රජාව සඳහා වන පොදු ඉගෙනුම් අධ්‍යාපන වේදිකාව (Public Learn Education Platform) www.publiclearn.lk නිල වශයෙන් දියත් කිරීම මෙහිදී ජනාධිපතිවරයා අතින් සිදු කෙරිණි.

අනතුරුව පැවති උත්සව සභාව ඇමතූ ජනාධිපති රනිල් වික්‍රමසිංහ මහතා සඳහන් කළේ නව ආර්ථික පරිවර්තනය වෙනුවෙන් ශ්‍රී ලංකාවද ඩිජිටල්කරණය සමඟ වේගයෙන් ඉදිරියට යා යුතු බවයි.

මිහිඳු මහරහතන් වහන්සේගේ ආගමනයත් සමඟ බිහි වූ මෙරට අධ්‍යාපනය අදියර 03ක් යටතේ ක්‍රමිකව විකාශය වූ බව පෙන්වා දුන් ජනාධිපතිවරයා මේ වන විට ඩිජිටල්කරණය සමග විවෘත වේදිකාවක දැනුම බෙදා හදා ගැනීම දක්වා එය ඉදිරියට පැමිණ ඇති බවද සඳහන් කළේය.

ශ්‍රී ලාංකික ජනතාව වෙනුවෙන් මෙම ප්‍රතිලාභය හිමි කර දීම වෙනුවෙන් රීජන්ට් ග්ලෝබල් ආයතනයේ ප්‍රධාන විධායක නිලධාරී ආචාර්ය සෙල්වා පන්කජ් මහතා ඇතුළු පිරිස වෙත සිය ස්තූතිය පිරිනැමීමට ද ජනාධිපතිවරයා කටයුතු කළේය.

අප අද ජීවත් වන්නේ දැනුමෙන් පිරුණු සමාජයකයි. එම සමාජය තුළ තරගකාරීව ඉදිරියට යා යුතුව තිබෙනවා. අප අධ්‍යාපනය අතින් ඉදිරියෙන් සිටින රටක් බැවින් එය අසීරු කාර්යයක් නොවන බව මම විශ්වාස කරනවා. අධ්‍යාපන ක්ෂේත්‍රයේ පවතින අඩු පාඩු කඩිනමින් නිවැරදි කර ගැනීමට අප මේ වන විට කටයුතු කරමින් සිටින බව කිවයුතුයි. මෙම නව වැඩසටහන එම වැඩපිළිවෙළට මනා දායකත්වයක් සපයනු ඇතියි. ශ්‍රීමත් ගැවින් මහතා මෙවන් වැඩපිළිවෙලක ඇති වැදගත්කම සහ එහි අරමුණු පිළිබඳ හොඳින් විස්තර කළා.කෙසේ නමුත්, නව ආර්ථික පරිවර්තනයක් වෙනුවෙන් අපේ ආකල්පමය වෙනසක් අවශ්‍යයි. නිසැකවම අපට එය කළ හැකි දෙයක් බව කිව යුතුයි. පන්ති කාමර නොමැතිව සහ බිත්ති නොමැතිව පාසලෙන් පිටත වැඩි වැඩියෙන් ඉගෙනීමේ අවස්ථා සඳහා යොමු වීමට ඉදිරියේදී අපට සිදු වෙනවා. අද මේ ආරම්භ වන්නේ එම වැඩපිළිවෙළයි. පන්ති කාමර තුළ පවතින අත්දැකීම් සහිත දක්ෂ ගුරුවරුන්ගේ හිඟය පිළිබඳ අභියෝගය ද ජය ගැනීමටද මෙය අවස්ථාවක් වනු ඇතැයි මම විශ්වාස කරනවා.

එසේම මෙම වැඩපිළිවෙළ ශ්‍රී ලාංකික ජනතාවගේ ජීවිත ඉදිරියට ගෙන යාමේ මෙන්ම රටේ ඩිජිටල් පරිවර්තනයක් ඇති කිරීමේ ගමන් මගේ සුවිශේෂී අවස්ථාවක් වනු ඇතියි. අපේ රටේ අධ්‍යාපනයේ විකාශය අදියර 03ක් යටතේ සිදු වී තිබෙනවා. පළමුව මිහිඳු මහරහතන් වහන්සේ බුදුදහම රැගෙන මෙරටට පැමිණිමත් සමඟ පිරිවෙන් අධ්‍යාපනය ආරම්භ කෙරුණා. සෙනරත් පරණවිතාන පැවසුවේ රහත් වීමට අසමත් වූවන් ඇළ මාර්ග, දාගැබ්, සීගිරිය සහ අප සතු අනෙකුත් ගොඩනැගිලි මෙන්ම සෞඛ්‍ය පද්ධතිය සැලසුම් කිරීමට කාලය ගත කළ බවයි.

දෙවනුව බ්‍රිතාන්‍යයන් පැමිණ රජයේ පාසල් පද්ධතිය ආරම්භ කළා. එය දැන් රට පුරා ව්‍යාප්ත වෙමින් පවතිනවා. ඒවා අප මහ විද්‍යාල, මධ්‍ය මහා විද්‍යාල යනාදී වශයෙන් හඳුන්වනවා. ඉන් පසුව අප කීර්තිමත් සහ ජාතික පාසල් සංකල්පය ගෙන ඒමෙන් පසුව සමස්ත පාසල් පද්ධතිය අද පවතින තත්ත්වයට වැඩි දියුණු වී තිබෙනවා. දැන් අප අධ්‍යාපනයේ තුන්වන අදියරට පැමිණ තිබෙනවා. ඒ තමයි අධ්‍යාපන පද්ධතිය ඩිජිටල්කරණය කර විවෘත වේදිකාවක දැනුම භාවිතා කිරීම. අප ඩිජිටල් ආර්ථිකයක් පිළිබඳ අවධානය යොමු කර තිබෙනවා. එහිදී නවීන දැනුම භාවිතා කිරීමට බලාපොරොත්තු වෙනවා. මොකද ශ්‍රී ලංකාවට ඉදිරියට යාමට හැකි වන්නේ දැනුම භාවිතා කිරීම තුළින් පමණයි.”