ලොව මිටිම විවාහක යුවළ ලෙස ගිනස් ලෝක වාර්තාව හිමිකර ගැනීමට බ්‍රසීල ජාතික යුවළක් වන පව්ලෝ ගැබ්‍රියෙල් ද සිල්වා බාරෝස් (paulo gabriel da silva barros) සහ කත්යුසියා ලී හොශිනෝ (katyucia lie hoshino) සමත් වී තිබෙනවා.
මෙම ආදර කතාව හද උණුසුම් කරවන කතාවක් ඉස්මතු කරන බවයි ගිනස් ලෝක වාර්තා සංවිධායකයින් පෙන්වා දෙන්නේ.
2006 වර්ෂයේදී මෙම යුවළ ප්‍රථම වරට මුණගැසී ඇති අතර විවාහයට ප්‍රථම ඔවුන් වසර 15කට වැඩි කාලයක් පෙම්වතුන් ලෙස සිට ඇති බවයි විදෙස් මාධ්‍ය වාර්තා කරන්නේ.
වයස අවුරුදු 31 සහ 28 වියෙහි පසුවන මෙම යුවළ ලොව මිටිම විවාහක යුවළ බවට ගිනස් ලෝක වාර්තා සංවිධානය විසින් නිල වශයෙන් ප්‍රකාශයට පත් කළා.