ක්ලාන්ත වීම හේතුවෙන් පාසල් සිසුවෙකු ජීවිතක්ෂයට පත්වීමේ පුවතක් යාපනය ප්‍රදේශයෙන් වාර්තා වනවා.
මෙලෙස මියගොස් ඇත්තේ තෝල්පුරම් ප්‍රදේශයේ පදිංචි තවරාසා ගෝපිකුමාරන් නමැති 16 හැවිරිදි සිසුවෙකි.
එම සිසුවා ඊයේ පස්වරුවේ සිය මිතුරා සමඟ අසළ පිහිටි වෙළෙඳසැලකට ගොස් ඇති අතර එහිදී සුළිපුරම් හන්දිය අසළදී ඔහු හදිසියේම ක්ලාන්ත වී ඇත.
යාපනය ශික්ෂණ රෝහලට ඇතුළත් කරන විටත් සිසුවා මියගොස් සිටි බවයි වෛද්‍යවරුන් පැවසුවේ.
ඔහුගේ හෘද නාලිකාවේ ඇති වූ අවහිරතාවක් හේතුවෙන් මෙම මරණය සිදු වී ඇති බවයි මරණ පරීක්ෂණයේදී අනාවරණය වී ඇත්තේ.