ඉන්දියාවේ බටහිර බෙංගාලයේ සිදු වූ දුම්රිය අනතුරකින් පුද්ගලයින් 15 දෙනෙක් ජීවිතක්ෂයට පත්ව තිබෙනවා.
විදෙස් මාධ්‍ය වාර්තා කරන්නේ අද (17) පෙරවරුවේ සිදු වූ මෙම දුම්රිය අනතුරෙන් තවත් 60 දෙනෙක් පමණ තුවාල ලබා රෝහල්ගත කර ඇති බවයි.
ඇසෑම් ප්‍රාන්තයේ සිල්චාර් සිට කොල්කටා හි සීල්ඩා දක්වා ධාවනය වෙමින් තිබූ සීඝ්‍රගාමී දුම්රිය රංගපානි දුම්රිය ස්ථානය අසලදී භාණ්ඩ ප්‍රවාහන දුම්රියක ගැටීමෙන් මෙම අනතුර සිදුව තිබෙනවා.
අනතුරින් පසු ශීඝ්‍රගාමී දුම්රියේ අවසන් දුම්රිය මැදිරි 03 පීලි පැනීම හේතුවෙන් තවත් විශාල පිරිසක් පීඩාවට පත්ව තිබෙනවා.
එමෙන්ම මියගිය අයෙක් වෙනුවෙන් ඉන්දීය රුපියල් ලක්ෂ 02ක මුදලක් සහ තුවාල ලැබූ අයෙක් වෙනුවෙන් ඉන්දීය රුපියල් 50,000ක වන්දි මුදලක් පිරිනැමීමට ඉන්දීය රජය තීරණය කර ඇති බවයි ඉන්දීය මාධ්‍ය වාර්තා කරන්නේ.