රුසියානු ජනාධිපති ව්ලැඩිමීර් පුටින් උතුරු කොරියාවේ සංචාරයක නිරත වීමට නියමිත බව ක්‍රෙම්ලිනය නිවේදනය කරනවා.
ඔහු මෙලෙස උතුරු කොරියානු සංචාරයක නිරත වන්නේ වසර 24 කට පසුව වීම විශේෂත්වයක්.
ඒ අනුව ව්ලැඩිමීර් පුටින් හා උතුරු කොරියානු නායක කිම් ජොන් උන් අතර සාකච්ඡා ප්යොන්යන් අගනුවරදී පැවැත්වීමට කටයුතු යොදා ඇති බවයි විදෙස් මාධ්‍ය වාර්තා කරන්නේ.
නායකයන් දෙපළ අවසන් වරට පසුගිය වසරේ සැප්තැම්බර් මාසයේදී රුසියාවේ ව්ලැඩිවොස්ටොක් නගරයේදී හමු වුණා.
ක්‍රෙම්ලිනය පවසන්නේ මෙය හුදෙක් මිත්‍රශීලී රාජ්‍ය සංචාරයක් පමණක් බවයි.
උතුරු කොරියාවෙ සංචාරයෙන් පසු ව්ලැඩිමීර් පුටින් වියට්නාමයට පැමිණීමට නියමිතයි.