මෙරට දරු උපත් සංඛ්‍යාව සැලකිය යුතු අගයකින් පහළ ගොස් තිබෙනවා.
නාරි සහ ප්‍රසව විශේෂඥ වෛද්‍යවරුන් පෙන්වා දෙන්නේ ගෙවුණු වසර 5 තුළ මෙරට දරු උපත් සංඛ්‍යාව ලක්ෂයකට වැඩි අගයකින් පහළ ගොස් ඇති බවයි.
පසුගිය වසර 5 සම්බන්ධයෙන් නාරි සහ ප්‍රසව විශේෂඥ වෛද්‍යවරුන් විසින් සිදු කළ පර්යේෂණයකින් මේ බව සනාථ වී තිබෙනවා.
එමෙන්ම එම පරීක්ෂණයෙන් අනාවරණය වී ඇත්තේ මරණ සංඛ්‍යාව ද සැලකිය යුතු මට්ටමින් ඉහළ ගොස් ඇති බවයි.
කෙසේනමුත් වෛද්‍යවරුන් අනතුරු අඟවන්නේ මෙම තත්ත්වය මත මහලු ප්‍රජාව වැඩි වී තරුණ ප්‍රජාව අඩුවීම හරහා රටේ ශ්‍රම බලකායේ අඩුවක් සිදුවිය හැකි බවයි.