කරණීය මෙත්ත සූත්රය විකෘති කර සමාජ මාධ්ය වෙත මුදාහැර ඇති පුද්ගලයින් සොයාබලා අවශ්ය නීතිමය පියවර ගැනීමට උපදෙස් ලබාදී ඇති බව බුද්ධ ශාසන හා සංස්කෘතික කටයුතු අමාත්ය විදුර වික්රමනායක පවසනවා.
මෙම වීඩියෝපටය කෘත්රිම බුද්ධිය (AI) යොදා ගනිමින් සකස් කර ඇති අතර කරණීය මෙත්ත සූත්රය විකෘති කරමින් නිර්මාණය කර ඇති බවයි බුද්ධ ශාසන අමාත්යංශය පවසන්නේ.
අමාත්යවරයා ජනතාවගෙන් ඉල්ලා සිටින්නේ එවැනි දර්ශන ඇතුළත් වීඩියෝ එකිනෙකා අතරේ හුවමාරු කිරීමෙන් වැළකී සිටින ලෙසයි.
මේ සම්බන්ධයෙන් පොලිස් පරිගණක අපරාධ විමර්ශන කොට්ඨාසයට හා විදුලි සන්දේශ නියාමන කොමිෂන් සභාව වෙත පැමිණිල්ලක් ලැබී තිබෙනවා.
ඒ අනුව කරණීය මෙත්ත සූත්රය විකෘති කළ අය සොයා විමර්ශන අරඹා තිබෙනවා.